香港教育好奇怪
個個都話要驘在起跑線上
講真
唔到生左都領受唔到哩句話既真諦
打從人仔細細第一次考幼稚園
大B同細B真心有分別
(除非你小朋友天資聰穎,可能分別真係會細D)
可惜我2個仔都唔係特別聰明
雖然佢地唔係超細B
但都算得上係細B
當考K時
分別已出....
時間飛逝
今年哥哥話咁快就K2
亦係要考小一既一年
話說本人運氣真係麻麻
單單靠大抽獎
我作為亞媽真心唔安心
我同唐生都覺得
一間好既學校校風
絶對對小朋友學習同成長影響深遠
雖然我明白小朋友唔一定明校出生先可以有所成就
但我真係怕抽到間寶校
根本冇得揀
我地唔需要神校
只需要唔係寶校就夠了
哥哥由細到大都係一個怕羞既小朋友
其實不單單係怕羞
佢好怕對一D陌生既環境
從K1開始每次帶佢上興趣班
佢入課室前都會大喊
情況持續到K2
我可以做既
就係帶多D佢去試堂
令佢習慣多D面對新既環境
但咁耐以黎
佢真真只試過一次係冇喊住入課室
哩樣一路以黎令我好擔心
因為當去考P1時
只要你一喊
就算你學術有幾高
成功機會都只會大減
何況佢根本學術唔高!!!
結果我嘗試每晚睡前都慢慢同佢傾計
要令佢知道
佢要考小一
如果考到小一佢就可以搵返佢既同學仔一齊升班
(佢最愛就係佢D同學仔)
間學校有幾大有幾靚
(計法令佢鍾意小學, 因為佢太鍾意而家間幼稚園)
另外再加上玩具大計
(只要唔喊
佢自己可以去揀一份自己鍾意既玩具)
.
.
.
今日
第一場考試正式開始
真道書院小學
哩間學校11年
可直升上中學
我地差唔多係最遲既一批
每班我見十人左右一次過IN
學校安排得幾好
一登記好就排隊
直接上課室
令我最開心驚喜既
哥哥竟然最後真係冇喊
甚至係我覺佢信心滿滿的跟老師入課室
個一刻佢冇喊
但反而我想喊😭
哥哥大個仔了
In 30分鐘左右就接哥哥
哥哥一見我地
好開心好大聲地講
佢冇喊😅😅
仲可以幾清晰話我地知佢考左咩
寫自己中文名
考中英文生字
有chicken , cow ,天(唔知係咪真?!?!)
Chase the missing animals (好似係連線)
同老師掉豆袋
其實無論哥哥成功與否
係我心目中
哥哥已成功
因為哥哥會同我講
佢會繼續努力
當晚
佢得到佢想要既禮物💗
沒有留言:
張貼留言
多謝留言~