媽咪晚裝

本身約左8月16號同媽咪上去顯卓試衫
點知跟我地張單既Karen打電話比我
話佢病左
可唔可以改第二日
心諗如果Karen真係病左
都冇心機同冇體力幫我媽咪選衫喇
所以最後就改左尋日先上去睇衫喇
我發覺我既決定真係一d都冇錯
Karen好好人
一見到我地就話好多謝上次幫忙
令到佢可以早d反屋企休息
顯卓真係好多媽咪奶奶款既衫
但我媽咪比較'潮'
大路媽咪款
佢睇左好耐都冇一件睇得上眼
仲話d款好老土咁話...
Karen問我媽咪大約想要d咩款
又幫我媽咪度身
我媽咪比較肥
心諗所選擇既都應該比較少款
我媽咪仲要一件都睇唔上眼喎
不過Karen好快手係倉到攞左兩件較新款既晚裝
兩件都好靚
一試上身就連我媽咪都好鍾意
真係不得不讚Karen既服務態度
細心得來不知氹得我媽咪幾鬼開心
又教佢當日應該點著
又讚我媽咪好後生
嘩~勁呀
因為Karen選中我媽咪心目中既款
所以只係試第二件時
媽咪心中已有數了

金色高貴晚裝

話說著左出來準備比我影相時
本身係隔離有對新人
又係選衫既媽媽OR奶奶
都異口同聲話我媽咪著得好靚
件衫好高貴
所以大家見到張相時咪牙唔見眼囉
最初都好擔心我媽咪會選唔到衫
點知咁順利
最緊要我媽咪仲要咁開心
下次就到要陪未來奶奶選衫喇
不過顯卓真係超好生意
一book都要book到半個月後了

心痛

今晚

好心痛

本來大家都好開心

但當睇完新聞

我同唐生都好唔開心

我

抱住唐生。。。哭了

心酸＋心痛

我地一直活係好幸福既世界

要好好珍惜眼前人～

下水禮

過左一個好開心既weekend

今日陽光與海灘

約左幾個朋友去左大嶼山既長沙海灘

本身以為天氣唔係太好

點知天氣真係好到不得了

個沙灘真係好靚

除左游水

我地仲玩左獨木舟

雖然有搽太陽油

但曬左成日

全身都仍然熱到不得了

反到屋企

當然整反個MASK喇

嘩！即時涼反晒

點知亞唐生見到我咁開心

佢就比左第一次我！！

佢又要整個MASK喎

WAHAHAAAA～

pRe-weDdinG pHOtO take 2 完成了

其待已久既第二輯相終於有得睇了

比住兩幅大家睇先喇～

決定左花球了

網上睇左好多好靚既花球

決定左好耐都末決定到用乜好

好多blog友都讚秋子花藝

係兩個星期前

同唐生係冇預約時間之下自己走上去睇睇

上到去

佢比左D相簿我地睇

本身我地諗住問下佢D問題

如11月有咩花呀

幾多＄呀

但可能當時佢有客人係度（之後仲有其他人上來）

佢冇乜時間理我地

好快就同我地講

決定左之後再搵佢

佢趕時間就要離開（打發我地走咁）

其實佢都好好人

不過可能佢真係趕時間喇

我地好冇引就走左了

我地再去金都睇左幾間

又係旺角花街左睇左幾間

比我地睇到卉豐

佢地介紹左D wedding expro 既plan 比我地

又比D相我地睇喎

點知比我一睇就比我發現

原來我真係好鍾意黃色

佢地仲好詳細講解左一D花名比我知

一直以為花球應該係好圓同唔露D花腳既

但當佢地比左一D新設計既花款比我睇時

我又真係好鍾意

露腳既花球冇咁傳統

型D又靚D

完全係我杯茶呀

但當時我地冇落單

諗住再睇睇先

但就係哩個花球係我腦海裡游左兩個星期

今日終於去左confirm了

黃色馬蹄籣

不過唔諗住親紅色

諗住親左D綠色同白色既小花

大約係咁喇

但D馬蹄籣到11月會再鮮色D再大朵D

就好似第一幅咁（希望佢地冇呃我地喇）

而家我地都係join反expro個plan

＄980（牡丹除外）

﹣新娘花球

﹣新娘頭花 

﹣新郎襟花

﹣主婚人襟 ＋ 大頭針 （蕙蘭 X4）

﹣兄弟姊妹襟花／手花 X4

但我地唔需要兄弟姊妹襟花同手花

轉再加多＄300

有感謝花束 X2 （BIG DAY當日送比媽咪同奶奶）

又完成一個job 喇

公仔襟花手花

訂左手花襟花公仔比d兄弟姊妹
希望佢地會鍾意喇
我自己就勁勁勁鍾意喇
多謝Kary咁忙都行接埋我張單呀

http://hk.myblog.yahoo.com/wedding_doll/article?mid=2167

Confirmed WG ＠Ballroom

Ballroom 打電話比我

話差唔多時候要confirm WG

我本身book左兩件

一件WG + 一件EG

但我足足睇左三次都真係睇唔中件EG

本身諗住張我件EG比左我媽咪

但佢地話冇乜size既衫啱我媽咪（我媽咪身型比較肥）

咁唯有睇睇件WG

本身book 左果件

因為真係仍然好鍾意哩件

所以有得留低

另外因為選唔到EG

唯有選多件WG

著左好多件WG上身

其實再睇中兩件WG

一件係魚尾款短拖尾

唐生一見到我著就話好鍾意

話我著得好好睇

但我就選左另一件

簡單A Line外國款

好鍾意佢簡簡單單清清地

完全係我杯茶

而家就要諗下邊一件著於行禮

邊一件著於晚宴

唐生鍾意第一件多D

佢想第一件著係晚宴

因為會多D人見到

但我就想著係行禮

因為我覺得第一件襯頭紗靚D

意見不合呀

另外

頭紗究竟有冇lace邊又係另一話題

本人比較鍾意有lace邊

但唐生就鍾意乜都冇既頭紗

輕D喎～

再次意見不合

所以到而家乜都未決定呀

我要做契媽了～

今日收到兩個好消息，一個壞消息

壞消息係

我其中一個好姊妹係我BIG DAY來唔到喇～

好消息係：

哩個好姊妹有左BB呀

同佢會11月4日結婚（仲早過我喎！）

因為大家都係11月結婚

好似話會沖喎～（係咪真架呢？）

所以做唔到我姊妹

嘩！消息來得好突然

而家我BIG DAY前後有兩位好姊妹都因為有左BB

做唔到我姊妹了

雖然少左兩位好姊妹幫手

但真係好為佢地高興

我要做契媽喇

OuR weDdInG LOgO

wedding logo 出左了
下面4個係dica幫我地設計既

下面哩個係m-wedding設計

究竟邊個好d呢??
唐生好似鍾意 m-wedding個設計多d~
我就真係唔知邊個好d喇