睇場 + rehearsal

因為book 芝柏數碼港既玫瑰小禮堂會包一次rehearsal
所以上星期日17號
我同唐生就約左4大長老加我家姐一齊去睇場

其實rehearsl就冇乜
不過決定好用乜進場音樂
見證人會坐咩位置(坐既位置位位新人都有唔同既選擇)
佢地好詳細講解比我地知當日大約既流程
所有男家親戚應該坐係望住台既右手面
而女家親戚就坐係左手面

哩個就係我地結婚既地方喇
我選擇爸爸帶我進場
當日亦行聽住音樂拖住爸爸採排進場
感覺好特別呢~
有種難以形容既感覺

另外係採排時有笑料一則
當我爸爸拖住我隻手去到台前交比唐生時
唐生竟話: 好!攪掂!!!
全場大笑
我話攪掂d乜呀??
而家人地將個女交比你呀??
之後我爸爸係度笑住講: 咁唔得架喎?!?
唐生即刻答我爸爸: 放心放心!當日一定比個滿意既回應您!?!
之後我再冇追問唐生
究竟唐生正日會點呢???
會唔會講句: 唔該晒~~

又再買買買

今日又同唐生去金都

今次目的係買白皮鞋同紅酒

同一時間

買左哩樣嘢

我唔知佢叫乜名

只係知D姊妹用來唔比D兄弟同新娘入來既花球

覺得佢好靚呢～

買果時

唐生奸笑住同我講

‘你就用（佢）唔比我地入來呀？’

另外

之前買左個花車公仔

送花車裝飾既蝴蝶仔

今日順便攞埋

我地冇帶單

只係將張單scan左入iphone到

最後係iphone睇到張單都能攞到D蝴蝶仔

GOOD～～～

用係花車同兄弟坐既24座小巴

到時要靠d兄弟幫我比司機喇～

今日再訂左紅酒

D紅酒係用來七點前比D賓客飲用既

所以只係買左12支

當然可以送貨喇

最後就同唐生買左對白皮鞋～

今日做左好多野呢！！

一個月後～

倒數一個月就係大日子喇～

近期好忙呀！

希望快D忙完

好好享受大日子的一天

OuR weDdiNg sHOeSsss

早前去過DYOS睇wedding shoes

但我睇中果款要成＄17XX

深知道其實我條條裙都係長裙

根本就睇唔到對鞋

真係無理由用＄17XX買對只著一次既鞋

但我又心思思

好想買對4吋鞋喎！（高D靚D嘛！）

好多謝朋友祖祖祖祖祖比左DYOS既COUPON比我

可以買＄600可以減＄100架！！

嘩～

咁就當然諗住再去睇睇喇！

但因為我婚期太近

冇可能訂做

只可以買現成

所以去DYOS之前

我聽我家姐提議

係跑馬地口有幾間又係可以訂做鞋既舖頭

同唐生決定去睇睇先

真係有好多好靚既鞋

舖頭當然冇DYOS咁靚

但有個叔叔過來同我地傾

佢完全唔係hard sell

又可能因為佢年紀關係

感覺佢真係做鞋老師傅

問佢既問題

佢真係可以即時答晒我地（唔似DYOS D SALES乜都唔知！！）

加上佢老實不客氣既態度下（我BUY！！）

我就係佢地到訂左我對婚鞋喇

個款大約係咁

但當然改為銀白色喇

本身想鞋'根‘全做閃石

但要＋成＄800

叔叔問我件婚紗係咪長架喎？

我話當然係長架喇～

佢好老實咁答我：

長就真係唔抵喇，都冇人睇到！

GOOD

我再BUY～

所以我最後冇＋錢

但最最最緊要既

就係將對鞋改為4吋（前面有platform架！）

價錢仲比之錢平一半！

與此同時

其實唐生都仲未有鞋

佢要兩對鞋

一白一黑

最初諗住買對白鞋

但訂做要＄1500

白鞋平時著唔反

叔叔都話咁又真係唔係好抵

叫我地再諗諗

咁我地諗諗下

白鞋都係求求其其買一對算

但黑鞋可以比佢反工用喎

所以就變為睇黑鞋

唐生好快就睇中個款

所以就決定訂做了。。。

右手邊個就係好得又好串個’叔叔‘喇

結果佢訂做左黑鞋for big day + 將來反工著

我就訂做左我既wedding shoes~

今日又好開心

買到我大日子高根鞋～

但我而家多左DYOS既COUPON

有冇人想要呀？？

炸彈工場

囍帖已到步
早前買左個火漆印
我同唐生開始我地個工場
用個火漆印封帖
原來要整一個好靚既印好難架~
我就失敗左好多次

以下個印係我整既
係咪好唔掂呢??

其實我真係失敗左好多次呢~~~~

都唔明點解?
唐生整個d真係靚好多!!

最慘係勁比亞唐生係咁笑我囉
佢叫我記得將我d失敗之作post出來喎
整一個大約用分半鐘
我有約150張帖
都唔好話唔花時間
仲未計我失敗果d喎!!!
真係自己攞黎玩
不過整個過程
同唐生都整得好開心
我地兩個都覺得張帖好靚呢~~

炸燀到左喇～

多謝亞ning既幫忙

囍帖終於到步

今日我開始打比D朋友仔

問下佢會唔會到

真係好好

9成都到呢～

帖到左

要快D完成佢喇！（只係得反一個月呢～）

我自己就好鍾意張帖呢

內頁～

帖面

帖背

加多張馬會地圖～

（原來好多人真係唔知馬會係邊樹架）

要係炸燀裡既所有應要有既嘢

﹣ 帖

﹣ MAP

﹣利是

﹣餅咭

﹣信封

﹣謝咭

﹣信封口既火漆印 

大眼仔

一向我都冇近視

從未帶過Contact Lens

但我有個好姊妹係視光師

同佢傾開計

我話我試想帶下大眼仔

佢勁sweet約我

話比D大眼仔我

仲敎埋我點帶（so sweet)

因為我之前從未帶過Con

冇可能只係BIG DAY果日帶

佢教我自己帶

自己除

要我係哩一個月自已試下習慣下

佢話第一次帶只可以帶6小時

係佢好努力帶領下

我好辛苦咁帶左我人生既第一次CON

感覺掂到自己隻眼

好驚。。。

佢地個個話第一次一定係咁架喎！

我帶左之後當然對眼紅晒喇

諗

要靚喎

努力～

但帶左之後真係好唔慣

最重要係

帶左之後係咪真係靚左呢？？

大家估下邊隻眼係帶左

又係咪真係靚左呢？

我仲未諗到帶唔帶好呀？？

wedding banquet

回想起BOOK場時真係好求其

由頭到尾都冇睇過個場

只不過行過一次婚紗展

隨量計下D賓客數量

就決定左個場了

跑馬地馬會

BOOK左之後

其實之前睇過一次場

但我覺得個樓底真係太低

唔係好鍾意

今日再睇第二次

唔知點解

感覺又好好多喎

當然除左樓底真係低左D之外

其他嘢都OK喇

再唔滿意既

只要心諗：唔緊要喇～我又唔係同個場結婚

只要老公愛我錫我就得了（自己安慰自己同自我滿足）

Heheheeee

但只要咁諗

我成個人又會開心反晒喎（好神奇～）

再諗

馬會其實都好唔錯丫

photo corner

reception

本身諗住10圍

但而家竟16圍

好迫呀～

將會轉為麻雀區

只可以放八枱

出面就係馬場了～

smoking area

哩個就係我同唐生既婚宴場地了