淘裙記

都係自己衰,自己麻鬼煩
詳細內容唔提喇
一句講晒要搵靚靚車仔既伴娘裙喇
車仔係淘寶資深人
當然一齊淘喇~
經過一輪挑選後
入圍最後三強

1.人仔$230

2.人仔$259

3.人仔$258

我覺得三條都好靚
大家有冇意見比下我呀??

自家製利是封

係好早之前
就同唐生諗住用我地自己logo既利是封
可以用係囍帖, big day當日同之後每年既新年到
我係fb搵到囍帖廊
覺得佢地既計設幾好
所以就係佢地到訂做
實在又係太多款色
太多顏色可以選擇
老板Andy好細心好詳盡解釋比我知大約既效果
好開心
今日收到現貨了

由開始到製成品到係用左一個星期多
我自己好鍾意
覺得好靚呢

OuR weDdiNg cAKe

最近真係好忙

已經唔係好記得我地既weDdiNg cAKe

反而係家姐打比我

叫我好好諗下想要咩款

要訂既就差唔多係時候了

唐生冇意見

又係話只要我鍾意就得

我一早已經決定係Cake 2訂蛋糕

所以再去佢地既網頁同FACEBOOK睇睇

其實本身馬會都有包一個10 lb既蛋糕

但佢只係好普通好似生日用既什果蛋糕

我問過佢地加錢可唔可以upgrade靚D既款

‘NO’係佢地既答案

本身好鍾意cake 2Icing Cake

但一個兩層既都要成$36xx（min. charge)

覺得太貴太浪費

雖然真係好想要個好靚又係自己一生人一次既weDdiNg cAKe

仲要有人送喎

但諗諗下都真係好敗家架嘛

點可以攞個平衡呢？

最後我決定要Cream Cake

唔要Icing Cake

做兩層都係$21xx

Cream Cake 其實都好靚

又好味

我問個好多人邊個款好

但個個人意見都唔同

尤其越問得多

個人就越亂

真係好難決定

所以最終我決定都係跟反我自己所想

自己鍾意既。。。

就夠了

個款唔公開住

等BIG DAY影完相之後再公開喇

做兩層

上層係朱古力脆脆

下層係綠茶粟子茸

兩層都真係好好味架

Sealed with a kiss

大家有冇諗過點解係傳統結婚時

新郎一定要吻新娘呢～

原來係以前

相方買賣合約交易中

用火漆印（SEAL）係相方賣買合約中打印後

無論邊一方違約

都一定要承擔責任

如

買家用500萬買貨

而賣家就算最後供給唔到買家任何貨

買家都一定要比500萬賣家

唔可以因為賣家比唔到貨

就唔比錢～

哩個就係（SEAL）既合約

後來哩一種合約

就係用係結婚行禮𥚃

咁用乜黎最能代表（SEAL）呢？

就係KISS來代表喇

所以就有一首好出名既歌

Sealed with a KISS

所以大家準新娘要知道

其實果一吻

係真係代表左一生一世架

火漆印

同唐生有一日忽發奇想
想整一個我地wedding logo既火漆印
可以用係我地既囍帖到
從上網搵料
直至做好
都係只需要3日時間

覺得佢好靚呢~

因為用火漆印代替貼紙
需要用多好多時間
所以初步都係諗只會用係最親既親戚同朋友張貼到

confirmed 介指枕

我又比人寵了
話說我一路係淘寶搵介指枕
我既靚靚伴娘車仔又係淘寶搵頭紗喎
當然大家比d意見大家喇
搵下睇下
比我見到個好靚好靚既介指枕喎

真係好我杯茶呀
不過好貴
淘寶價都要成$150
嘩~唔係呱
正當我想放棄時
我既靚靚伴娘車仔
竟話我知已訂左
仲好窩心同我講:話送比我既結婚禮物
多謝您呀~車仔
咁樣我會比人寵壞架

婚鞋

唐生今日同我睇Bridal Shoes~

DYOS

睇既同時有個客人係咁嘈

佢投訴攞既鞋細左

佢既BIG DAY就到

佢好火

詳細內容唔係太清楚

只知道好似已經趕唔切

我本身打算係度訂鞋

其實都睇中左架喇

不過而家訂做要10月29號先攞到

距離我既大日子好近

睇到咁既投訴又真係驚驚地喎！

再問清楚

對鞋又好似貴貴地喎

（我想要既款要成＄17XX呀）

雖然唐生係咁話

只要我鍾意就得

佢想買比我喎～

仲係咁話鍾意就買喇

但我見到咁多唔好既野發生

真係冇理由再用＄17XX買對鞋丫

所以我決定放棄

我係度諗

同對鞋真係冇緣都有辦法喇

買唔到鞋

但心情仍然好好

因為我鍾意比人'寵'既感覺~

倒數兩個月~

又係12號喇
過多兩個月
就係告別單身既大日子
好多野都未完成

BIG DAY        :   2010.11.12

新郎                            :   唐生
新娘                            :   未來唐太

伴娘                            :   車
伴郎                            :   2d人
姊妹                            :   族長, Angel, Kelly, 敏心, 春
兄弟                            :   Gary, 老Mark, 銓, 細路, 衣雷
律師證婚                    :   An Oath 壹誓證婚
證婚律師                    :   黃耀輝律師
個人化誓詞                :   待定
註冊場地                    :   Rose Chapel
戒指枕                        :   待定
進場曲                        :   待定
結婚戒指                    :   PN (已取)

婚宴場地                    :   跑馬地馬會
場地佈置                    :   Dica Decoration
酒水                            :   馬會已包
XO, Whisky 等           :   待定
嘉賓簽名布                :   Bluebay Wedding (已取)
嘉賓簽名筆                :   Kary
嘉賓名單                    :   初步已定
結婚蛋糕                    :   家姐送的結婚禮物 (待定)
進場音樂                    :   待定

花車 + 24座VAN       :   柏思
花車佈置,花飾           :   柏思
結婚公仔                    :   己取

西式餅咭                     :   美心
中式餅咭                     :   欠4張
婚宴請帖                     :   待定

婚紗攝影(Bluebay)       :   已取
婚紗攝影(M Wedding) :   十月中收貨
當日攝影 + 錄影          :   M Wedding
成長片段                      :   M Wedding (製作中)

婚紗                              :   Ballroom
晚裝  x 2                       :   Noel CHU (未confrim)
裙褂                              :   冠南華
新郎禮服                      :   Mode
姊妹裙                          :   淘寶 (已取未改)
爸爸禮服                      :   Mode
媽咪晚裝                      :   顯卓
奶奶晚裝                      :   顯卓
新娘化妝                      :   BBC
新娘禮服配飾              :   BBC
婚紗鞋                          :   待定
花球 + 頭花                  :   卉豐
襟花                              :    Kary

Honeymoon                  :   暫定毛里裘斯

group 左以上既item,就等於下面了
1. 過大禮所有物品
2. 成長片段
3. wg & eg 未confirm
4. 唐生未confirm禮服
5. 爸爸禮服
6. 訂結婚蛋糕
7. 奶奶晚禮服
8. 兄弟呔
9. 大日子正式rundown
10. 兄弟姊妹聚會
11. 大日子人手按排
12. 出囍帖
13. rehearsal 行禮
14. 向馬會confirm席數

嘩~其實我都係求其數下啫
一係唔數
一數就都數到咁多樣喎
點算呀

淘戒枕

又係時候淘寶了
今次目標係戒指枕
花多眼亂
大家又有冇意見呀??
淘寶買野當然係要睇埋價$喇
所以大家睇款之餘可同時參考價$
睇下值唔值得買

1.簡約美麗, 但$59...

2.心心戒枕, 不過睇真d好似麻麻地~ $22

3.金色戒枕 $25.8

4.純白戒枕 $26.5

5.簡單 $25.9

6.同第五款相似,但紫色 $25.9

擬結婚通知書

我地早前參加左An Oath(特選壹誓婚禮)
聽日就要上律師事務所簽署(擬結婚通知書)
仲要決定埋當日誓詞
佢地有幾個範本可供選擇

以下係新娘子既誓詞:

1. 我請在場各人見證，我[新娘姓名]，願以您[新郎姓名]，為我合法丈夫。我承諾今生今世，都將深愛著你，同你一起分享喜樂和憂傷，直到天長地久。今日，我將自己交給你；日後，將永遠跟隨你，在你健康或病痛時支持你、與你在愛中共同成長，直到永永遠遠。

2. 我請在場各人見證，我[新娘姓名]，願以您 [新郎姓名]，為我合法丈夫。 [新郎姓名]，我將呢隻戒指戴喺您手上，從今以後，見證我哋嘅婚姻。

3. [新郎姓名 ]，我願對你承諾，從今天開始，無論是順境或是逆境，富有或貧窮，健康或疾病，我將一生一世永遠愛你、保護你、珍惜你，直到永永遠遠。我請在場各人見證，我[新娘姓名]，願以您 [新郎姓名]，為我合法丈夫。

4. 我請在場各人見證，我[新娘姓名]，願以您 [新郎姓名]，為我合法丈夫，終生伴侶，無論貧窮富有，健康疾病，都願意照顧一生一世，直至終老。

5. 我請在場各人見證，我[新娘姓名]，願以您 [新郎姓名]，為我合法丈夫，不論順逆禍福，愉快悲傷，我都會與你同甘共苦，互相扶持。我願意永遠陪伴你，敬愛你，與你偕老。

6. 好幸運喺 10年前認識到您。我們一起經歷咗無數嘅喜樂和憂傷。很感謝您喺呢啲日子入面對我嘅關懷，同帶給我無數嘅快樂。今日，我哋將會一齊步入人生的另一階段。我承諾永遠愛你，珍惜你，同你一齊分享喜樂和憂傷，互相扶持，同你一齊喺愛入面一起成長。今日，我將自己交給你；日後，將永遠跟隨你，照顧你同我哋嘅屋企人。我請在場各人見證，我[新娘姓名]，願以您[新郎姓名]，為我合法丈夫。我依家將戒指戴喺您手上，從今日直到永遠，作為我哋婚姻嘅記號。

嘩~原來誓詞都有咁多!!
大家鍾意邊款多D呀??

試食＠cake2

一路努力搵我既wedding cake

好多blog友都大讚Cake 2

係佢地既網頁真係睇到好多好多好靚既wedding cake

知道佢地有為新人免費試食

所以就打左去BOOK時間

點知佢地真係好FULL

一book就要book到三個星期後

約埋家姐（係佢送個蛋糕比我架）

同唐生三個一齊就去試食

由淡味開始食（由右下角至左上角）

雜果蛋糕、綠茶栗子茸、綠茶紅豆
黑森林、朱古力脆脆、咖啡朱古力脆脆

Sales Avis好好心機

同我地講解每一個蛋糕

佢地有分Icing Cake 同 Cream Cake

個面層滑嘟嘟既就係Icing Cake

而傳統冇咁滑既就係Cream Cake（其實都好滑丫～）

Icing Cake 咁滑係因為佢個面層全係糖衣

靚D但就冇咁好味

我地Icing & Cream Cake 都有試過味

Cream Cake 真係好味好多

價錢亦有分別

Icing Cake要$376@1lb

Cream Cake $218-$258@1lb

Icing Rose ＠$200

Icing Figure @800

做兩層至少要8 lb

做三層既就要15 lb

有D款只可以做Icing Cake 

唔可以做Cream Cake

Avis好有心機

足足同我地傾左成個半鍾

但因為實在太多款了

我既選擇困難症又發作

最後都冇落到單

Avis竟然一D都冇黑面

仲叫我諗好先再落單都唔緊要～

服務態度勁好

我知我一定會係哩度落單

但真係唔知要咩款好囉

自家設計囍之炸彈2

尋晚又攪左張帖成晚
開始對'illustrator'熟 d
第二稿又有了
雖然都唔係太靚
但當中好有滿足感

d字已經改左
但因好多中文字體我都冇
所以暫時改唔到
因為開始識用個programme
突發奇想: 可將成個design再改過晒佢喎
不過唔知我有冇咁既耐性呢

自家設計囍之炸彈

搵左好朋友ning幫手印囍帖
同時決定自己努力試下自己design張帖
完全唔識用 MAC 機既 'illustrator'
真係好鬼複雜
但一心諗住自家設計
唯有努力學習
經過一星期既努力
初稿已完成

哩幅係張帖既底面同封面
'wedding news' 同 'invitation' 當然會再整
到時就唔會遮住我地個面
而家d色同我係MAC機睇都仲有出入
唐生話D字既內容要改
另外背面
成個design都想改晒佢
同大家係度諗
地圖係咪一定要有
如果冇左個地圖就可以加反d佢想要有既野

哩幅就係張帖既內頁
其實之前都選左好幾個design
唐生最鍾意就係哩個design
不過佢都係唔滿意d字既內容
所以都係要改
咁多嘢要改
唉~睇來要再努力d喇!!