晴朗的一天

放工反到屋企見到個黃昏好靚呀
香港既空氣真係好差
好耐都冇見到咁好天了

入夜仲好多人係度釣墨魚添呀~

淘寶姊妹裙到步

終於收到係淘寶買反來既姊妹裙了

質地真係唔錯
不過我懶
所以無熨到
睇落比較皺
哩條裙上身係橡筋頭 - free size
條吊帶仲可以較長短
我九秒九搵左兩位靚靚姊妹試著
兩位美女身型都係較瘦
其中一個仲要又瘦又細粒
所以就要係上圍改細兩寸左右
另外一位就暫時應該唔洗改
但其實如果好似我咁既身型既話
條裙都幾 fit 架 (但唔係我身型 fit 喎 -_-!)

係淘寶尋寶除左要睇其他買家買完之後既 comment 外
仲要留意多d件衫 / 裙 既size
其實好易睇
通常影出來既model都係好瘦
如果model都著得好窄既話
就代表件衫 / 裙個size係較細
我有五個姊妹
兩位試左
再比埋其他三位試
不過其實都應該唔洗點改 (我估)!!

confirmed 男禮

尋日終於booked左唐生件禮服了

本身約左4點半係MODE到試衫

其實今次都已經係第二次係MODE到租禮服了

第一次就係係香港影婚紗相時租既

不過果次就係中環店

今次就係尖沙咀店

足足試個成個鐘

試左多個款

雖然都book定左兩套覺得幾好既款

不過D款可以任轉

所以可以婚前一個月到先confirm款都未遲

我地租兩套

一黑一白

每組配件另計

配件包括背心，TIE，襟花等

一組配件都要＄280

同佢傾價

最後比兩套配件＄

包三套配件

佢地做緊promotion

比左張咭我

只要朋友仔攞住我張咭去租衫

相方都可以平＄100

但因為我地之前租過既關係

而家仲抵

全單可以九折

優惠只可以選其一

當然九折抵D喇

張咭冇用了！

姊妹裙 - 淘寶

我既靚靚伴娘係資深淘寶人
搵姊妹裙就多得佢既幫忙
係淘寶網搵左好幾款既靚靚姊妹裙
再由e-mail比我一班好姊妹選
初選結果如下:

佢係free size既
所以暫定買一件實物反來比各美女試著
如果ok先再買

婚介到步了

今日終於收到婚介了

好開心呢

又完成個job了

內𥚃已刻上獨一無二既 'C&D 101112' and 'D&C 101112' 呢

晚裝 vS 禮服

約左兩點係新緍情報再試晚裝
今次約埋兩個好姊妹一齊投票
Sales姐姐今次真係攞左d新款過來比我再試
其中有好幾款自己都好鍾意
但其實果幾款都係同line
即係都係差唔多
都係紅色
都係A Line 拖尾
所以只可以選其一
另外的一件就真係仲未有乜心水
大大話話都足足試左兩個半鐘
sales姐姐話一係等下次婚展再去睇下有冇新爐出既衫
到時再試
希望到時可以再見到'叮叮叮'既晚裝喇
試完我既
就去試唐生既
去到尖沙咀金巴利道近三角公厠附近既
VA ET-VIENT FASHION
http://www.vafashion.com.hk/displayitem.php
個老板出名串就係人都知架喇
不過串得來又幾攪笑
佢比我地試著三套
要成套著
因為一早襯好晒
唔可以亂改喎~
佢地仲有'古惑'的男裝鞋可以訂做
點'古惑'法?
原來著左上去可以高左成三吋
真係足足有三吋呀
但睇對鞋表面真係一d 都睇唔出囉~勁!!
但本身唐生都已經高過我好多
所以哩對鞋用唔著
佢試左三套衫
本身都知佢既衫係比較'誇'
但一著第三套時
真係誇到好似郭富城去登台咁
(only 套衫似郭富城咋)
連亞唐生都唔係好接受到
但第一二套就ok既
我地都有諗過去反mode到租
(我地之前係香港影婚紗相都係mode都租加)
mode d 衫就平實d
但唐生仲未諗點自己想誇d定簡單d
所以仲未決定到~
仲有時間
可以再考慮考慮!!

nOeL CHu

哩個星期去左Noel Chu新婚情報到試衫
係網上睇到好多唔係太正面既留言
但之前做伴娘時見過佢d晚裝
直覺係我杯茶
一向都知佢地好多客人
係完全冇預約之下同唐生兩個某某言走左入去
諗住都應該冇乜人理我地
只係諗住可以睇下佢地d晚裝
睇下係咪真係我杯茶
點知一入去
個sales就好熱情咁招呼我地
比左好多靚衫我地睇
一睇就即刻睇中左其中一件紅色玫瑰既白色晚裝
簡真就有'叮叮叮'既感覺
個sales好快手幫我地check下件衫有冇期
(冇期既話試來都冇用喇!)
點知因為係新款
所以仲有我地既期
咁我地就比左$去試衫喇
還掂都比左$$
當然唔至試一件喇
sales態度非常nice
每次一見到我想試既款都第一時間幫我即刻check期
之後先攞比我試
一路有講有笑 ~讚~
仲介紹老細比我地識
話要平d既話就搵老細得架喇喎
試左好多件
其中有兩三件自己都好鍾意
都唔知點算好
sales姐姐就比左個好好既意見我
話同我keep住哩三件衫個期先
星期日等我地再來試清楚先再作決定
到時仲可以帶埋我d姊妹一齊比多d意見
而sales姐姐就再準備多d款比我再試
最後我地就book左星期日再戰Noel Chu喇~
雖然間舖真係好多人
但整體來說今次試得好開心呢!

好正既結婚蛋糕啊~

Wahahaaaa,好鍾意哩個結婚蛋糕呀~

私有化

為了唔將真身咁現身

已將部份內容私有化～

婚紗晚裝戰記1

終於的起心肝去搵婚紗了

今次BOOK左三間

第一間：

Unique Wedding

地址：永樂街66號昌泰大廈2樓

TEL：25431182

http://www.uniqueweddinghk.com/html/index/index.html

服務幾好，但唔係我杯茶，D衫款覺得舊左少少

價錢一般，預約的話可以試6件

本人睇中一件紅色晚裝

但我太遲租了

如果要單一租的話要訂做

價錢就比較貴

第二間：

Ballroom

地址：加連威老道77﹣79號開麟中心20樓

TEL：23122023

http://www.ballroomhk.com/

服務勁好，一去到已有茶點，佢有兩間房

個VIEW勁靚

對住咁靚既VIEW試婚紗，心情都靚D

一路選婚紗時

佢會即時話你知果件衫有冇期

唔會阻大家時間～讚

有期既話佢即時攞件衫出來比你睇睇

睇真身點都同睇相有分別

終於睇中其中三件婚紗

但只可以試2件

所以選左其中兩件試

其中一件有少少‘叮’既感覺

第三間：

Cocoon

地址：雲咸街46﹣48號雲明行3樓

TEL：25772122

http://www.cocoonbridal.com/

服務一般，可能太多人了，冇乜時間serivce我地

打去BOOK時間時佢已經話我BIG DAY好近

好多衫都已經冇了

佢冇講大話

我選了大約十五六件婚紗加晚裝

佢只比得一半多少少比我地睇（其他都比人BOOKED）

但攞出來既同睇相好唔同

完全唔係我杯茶囉

後來個Sales見我唔係好知想點咁

咁就攞左件全新既婚紗比我試

全新既就真係好靚呀

因為好新

都幾啱我心水

但又未到有‘叮’一聲感覺囉

再試另一晚裝

都OK既

最後傾下個PACKAGE

嘩～比我想像中還貴

佢會根據你件衫既款再加錢

我睇中果兩件就要加＄＄＄＄

其實如果比我搵到件真係好‘叮’一聲既話

我都唔介意加＄既

不過咁既價錢又未到好‘叮’囉

去左三間試衫

次次聽到同樣既說話就係

‘嘩！乜你咁遲呀？好多衫都冇架喇！！’

真係間間都係咁講架～

唐生聽都好似聽到驚驚地咁

係咁同我講你快D去選衫

仲同我講

如果真係睇中BALLROOM果件就不如果件喇

結果

我地再去多次BALLROOM

決定落訂於有少‘叮’既果件

就係哩件喇

好鍾意佢簡單得來有D復古味

但我估計有好多新娘子著過

有少少舊既感覺

因為JOIN左既關係

我可以任試

我試反早上冇試過果件

哩件係新到既婚紗

竟有‘叮叮’既感覺（試既時唔記得影相呀～）

好鍾意佢既拖尾呀～

因為我兩件都鍾意

都唔知選邊件好

唯有投票喇

投票結果：

因為哩件新D

應該會多人BOOK D

同埋拖尾靚D

到時會GRAND D喎！

結果我HOLD左哩件婚紗呀

因為今日係最後一日有九折

而PACKAGE ﹣婚紗X1 ＋ 晚裝X1先有折

但我選來選去都未選到晚裝

咁就問佢地

幾時有新貨喇

佢地話都要成兩三個月架

心諗

如果真係係度選唔到晚裝既話

唯有將件晚裝比其他人喇

如：亞靚媽OR家姐

。。。。。。。。。。。。

其實兩件婚紗我都好鍾意呢～

但晚裝卻一件都仲未有

仲要努力努力呀！

而家唐生聽到間間SALES都話我地遲

仲緊張過我

係咁問我幾時BOOK下一間試囉

6月婚展part 2

之前係網上搵左好幾間wedding decoration既公司
心目中有以下兩間係我杯茶
JNC Wedding Decoration 緣.坊
http://www.jnc-wedding.com/
Dica Venue Decoration
http://hk.myblog.yahoo.com/dicacapital
去到婚展
一搵就已經搵到Dica
經佢地講解後
好快就決定兼落定了
佢問我地想要d乜野style
真係完全未諗到
佢地有好多'道具'
基本既我個plan都已經包左
諗到自己大約想要d乜後
就send email比佢地
佢地就會出個大約既design圖比你
到時再傾

不過我都真係未諗到自己想要d乜囉~

6月婚紗展 part 1

嘩!進度快左好多呀~
今日去左婚紗展cfm左好多野
首先終於cfm左證婚律師
行左成個會場
但發覺原來唔係太多有得選
其實係之前上網睇到好多blog友介紹d好律師
但我打過一兩個問都已經冇晒期
所以而家都冇乜特別要求了
我地而家用左壹誓證婚服務既黃耀輝律師
見佢個video都ok喇
所以我地就搵左佢了
係婚紗展book既
優惠就冇乜
不過會特別送個證書冊
都幾靚架~