自家製姊妹手花

見到好多準新娘都總有diy係自己個wedding到
有日經過旺角見到d絲花真係好靚
所以決定買來自己試下整d手花比d靚靚姊妹

不過其實都係試驗下
我都仍然唔係好知
究竟點可以將絲帶加係朵花到???

wEdDinG cAKe

一直都好想要一個靚靚結婚蛋糕

係香港大多數既新人都唔係好注重切蛋糕哩個環節
切既大多數都係酒店酒樓既大型假蛋糕
而真既多數都係開席前酒店酒樓送既什果蛋糕
我明白如果要等齊賓客先切蛋糕
個蛋糕一定冇人食
因為都要開席...
但都係果句
一生人一次
真係好想擁有一個靚靚結婚蛋糕
雖然馬會都有送個一個十磅既結婚蛋糕
但我問過
都係最最最普通
只係放生果係上面既白色蛋糕
就算肯加錢都冇得轉咁話
所以我決定上網搵自己既dream wedding cake
上網真係好方便
係香港真係有好多間專門幫人做既蛋糕店

真係有好多,好靚

The Wedding Cake Shop

Cake Temptations

哩間真係多到冇朋友呀~
超正呀ABC Cake shop and Bakery

仲有好多網友推介既Cake 2

好多都實在太靚喇~

新人可以係Cake 2 book時間免費試食
價錢亦合理
就係咁
我book左8月中去試試佢d味
好期待呢~

花車公仔

今早出左去睇結婚公仔
其實今次已經係第二次睇架喇
所以一早己有目標

-----賤兔

點知行行下比我地發現第二目標

-----三眼仔

勁勁勁得意呀~
亞唐生一睇就話好鍾意
我地仲要剛剛睇完Toy Story 3添
而家唔知選邊隻好了!
大家有冇意見可以比下我呀??

媽咪晚裝

今日去左會展
本身要睇幾樣嘢既
1.花球
2.媽咪晚裝
3.中式餅 & 龍鳯餅
4.問馬會攞d資料 ( 因為之前跟開我地個女仔己轉左兩次了)

花球唔係好多選擇 ----放棄
中式餅我地見好多人排隊 -----放棄

係網上睇到有blog 友話顯卓好多媽咪衫選
又話d服務好好
所以就去佢地個舖位睇睇
佢地當然有package喇
完全冇分任何種類既衫
即係婚紗,男禮,媽咪,奶奶衫都ok
佢地本身個package 係$2280 兩件
當然租得越多越平喇
顯卓係我地第一間入既舖頭
我地好直接好sales姐姐講
我地想睇多幾間先
佢就話如果真係有誠意的話比個更抵既價我地 ---- $1880
哈哈
都係貴呢
同埋我真係想睇多幾間呀
最後傾左大約15分鐘到喇
又有個類似經理既男人出現
話可以再平d
佢同計數機篤左個價比我地
我睇到個價我時我都打左個突
當然係扮冷靜喇
'竟然可以咁平???'
但講開價有條引
我再用計數機開反個價比佢
佢竟然一口答應喎
我都唔係好信呀
好  ....... 竟然佢咁爽快
我都好爽快咁答應左join喇
sales姐姐同我講
千祈唔好張我offer既價話比blog友知呀
(都唔知係咪真架??可能個個都係咁平!!)
就係咁
我join左顯卓了
過兩星期後就帶媽咪試衫
佢可以有兩件換呢~

之後去左馬會既舖位
一問之下
原來轉左跟我地張單係小姐係現場
我地問左d料
再攞左佢張咭片就走左了~

倒數120日

距離我地既big day仲有120日
係時間要睇下做左d咩 同仲有咩未做了...

BIG DAY        :   2010.11.12

新郎                            :   唐生
新娘                            :   未來唐太

伴娘                            :   車
伴郎                            :   2d人
姊妹                            :   族長, Avis, Ning, 敏心, 春
兄弟                            :   待定
律師證婚                    :   An Oath 壹誓證婚
證婚律師                    :   黃耀輝律師
個人化誓詞                :   待定
註冊場地                    :   Rose Chapel
戒指枕                        :   待定
進場曲                        :   待定
結婚戒指                    :   PN (已取)

婚宴場地                    :   跑馬地馬會
場地佈置                    :   Dica Decoration (初步設計已完成)
酒水                            :   馬會已包
XO, Whisky 等           :   待定
嘉賓簽名布                :   Bluebay Wedding (已取)
嘉賓簽名筆                :   待定
嘉賓名單                    :   初步已定
結婚蛋糕                    :   家姐送的結婚禮物 (待定)
進場音樂                    :   待定

花車 + 24座VAN       :   柏思
花車佈置,花飾           :   柏思
結婚公仔                    :   待定

西式餅咭                     :   美心
中式餅咭                     :   待定
婚宴請帖                     :   待定

婚紗攝影(Bluebay)       :   已取
婚紗攝影(M Wedding) :   七月尾
當日攝影 + 錄影          :   M Wedding
成長片段                      :   M Wedding (未製作)

婚紗                              :   Ballroom
晚裝  x 2                       :   Noel CHU
裙褂                              :   冠南華
新郎禮服                      :   Mode
姊妹裙                          :   淘寶 (已取未改)
爸爸禮服                      :   Mode
媽咪晚裝                      :   待定
奶奶晚裝                      :   待定
新娘化妝                      :   BBC
新娘禮服配飾              :   BBC
婚紗鞋                          :   待定
花球 + 頭花                  :   待定
襟花                              :   待定

Honeymoon                  :   待定

嘩~
一睇原來我仲有好多野未攪呀

oUr hONeyMooN

見好多blog友都為自己既honeymoon努力緊
我都係時候搵下d想去既地方
其實honeymoon係咪一定要陽光海灘既呢
同亞唐生傾完一輪後
始終honeymoon一世人一次
應該去d陽光海灘
好似親反個'honeymoon' ~浪漫d喎
睇過好多陽光與海灘而我地又未去過既地方
馬爾代夫
長灘島
蘇梅島
浮羅交怡
西巴丹島 etc....
都冇任何idea

朋友前幾日就提議我去毛里裘斯
毛里裘斯係一個我完全唔知道係邊到既地方
決定上網搵搵資料
一睇就好吸引到我喇

好浪漫咁喎~

仲有好多地方去

佢既日落真係好靚呢~

仲有我最愛既星星呀~

毛里裘斯位處印度洋，距離非洲旁邊的馬達加斯加島東海岸五百英哩，雖然她只是一個細小的島國，約是香港的兩倍。由於毛里裘斯島是由火山熔岩形成，故海岸四
周均是珊瑚礁；島上平坦的蔗田中，聳立著幾座因火山爆發而形成的尖削山頭，形成奇特的自然地貌。擁有「印度洋明珠」的美譽，景色迷人。毛里裘斯先後被荷
蘭、法國、英國統治，現時島上的居民主要來自印度、非洲、歐洲等地，其首都路易士港（Port
Louis），除了是一個購物樂園外，也是了解毛里裘斯文化生活的理想踏腳石。

就係哩間The Oberoi Mauritius簡直就係我杯茶呀~

慢慢plan下我地既行程先~

deCorAtiON Draft 1

好快手呀~
已收到上星期同dica 傾既draft

哩個係backdrop
左手面個大相架未confirm
可能會改用燈箱
但暫時未有實物睇
要等佢send個真相睇過先得
但就算用大相架都唔會用金色
要改白+銀色

Reception Table

個backdrop靚又唔係好靚
但又唔係太差
冇乜特別心水
都係咁架喇~
距離big day仲有時間
再諗諗自己想要d咩先~

花球

一生一次

係時候搵下D靚靚花球

嘩！

唔搵唔覺

一搵就發覺原來真係好多靚靚花球
真係紀錄低一d自己較喜歡既花球先再慢慢諗下

首先Blog友大讚好既Miracle Flower Shop

有Sharon Wedding Decoration

好鍾意哩個花球,可能係因為黃色


仲有agnes b. fleuriste

一心想用鮮花
但聽朋友講
鮮花會殘得好快
絲花又好似唔係我杯茶喎
心大心細
都唔知點選好

相討decoration

係六月落左訂於Dica Venue Decoration
於email 佢地提出以下之溫馨提示:

1. 7月會是一個比較合適的時間去傾談佈置的內容。

    可回覆你們想約見的時間。

2. 如有心水的佈置款式，可帶同你們在網上找到的相片，

    作傾談佈置的內容之用。

3. 傾談佈置內容後，我們會在9月前把佈置的DRAFT 寄到你們的EMAIL，

    9月尾前要覆實佈置的內容是否須要修改。FINAL DRAFT 會隨後寄到你

    的電郵。

4. 大日子前2星期，我們會與場地聯絡人夾入場時間及佈置細側。

所以約見左dica 係今日下午5點傾下場地佈置
佢地既公司係荃灣
負責人Andy問我地初步有冇任何idea想點
其實我係網到都睇左好多佢地既設計
但我同亞唐生又係度諗
冇理有用人地用過既idea啫
我地都想有反我地自己既設計
其實我地都真係有諗過下架
不過諗到主題除左用紫色外
其他乜都諗唔到了
Andy態度好好咁提議左幾個idea比我地
其實都係用反現有既道具
再加加減減
放既位置唔同咁喇
咁亞唐生就問佢地會唔會有新既道具會少d人用過
Andy就諗到黎緊將會整一個全新既燈箱
裡面可以放我地兩個既相
但而家未有效果睇住
要到七月尾先可以send到相比我地睇睇
所以我地諗住睇完先再作決定了
另外
我地個package包左設計我地既wedding logo
其實之前都有一個wedding logo
不過既然已包左
所以等佢設計完成我地先再作打算用邊個logo了...