但我都仍然想記錄反今年點過
其實每年二月都好忙
因為相識紀念日,唐生生日同情日節都好近
咁多大日子
邊樹諗到咁多禮物同慶祝活動
亞老公仲話
如果第時有亞小唐菜或唐不甩既話
千祈唔到係哩段日子出世喎
如果唔係真係幫唔到'佢地'慶祝生日
嘩~
亞B出世都要計埋
咁即係要係二月既十個月前禁慾
講得遠左少少添
講反情人節同唐生生日
諗唔到還念唔到
簡簡單單都要慶祝一下既
首先係唐生生日
我送左套鏢比佢做生日禮物
本來想同佢食餐好既
點知佢話簡簡單單近近地係屋企附近食
食乜唔緊要
最緊要係同我一齊食就得
下次早講丫嘛
等我成個下午係公司唔做野係咁搵地方食飯(其實搵藉口偷懶)
最後我地去左屋企附近到食串燒
簡單但溫馨...
到情人節正日
同上年一樣
都係怕多人
怕用好貴既價錢但同其他人食既野一模一樣
所以都係決定係屋企自製情人晚餐
其實真係強烈要求可以將情人節變做半日公眾假期
我唔貪心,唔洗全日
半日就夠
放半日既話
有拖拍既女仕們可於早上收花
晒幸福之餘下午可以回家扮個靚靚先夜晚出街再拍拖
冇拖拍既單身人仕
情人節哩d咁既日子
放半日都應該可以彌補下自己既心情丫
對於我來講
唔洗扮靚
但要煮丫嘛
可以早少少反屋企預備下都好丫
冇乜可以準備下
亞老公又話想食反上次既羊架
good~
唔洗煩
至於禮物方面
本身諗住整古古力哩d老套嘢
但真係冇時間
最後我買左兩舊水零食比佢
咁佢可以帶反公司慢慢食
今次仲唔有排佢食
至於我既禮物呢....
燈..燈...燈....櫈
地毯飛行琪
好鍾意呢
我地又多樣玩具了