是日晚餐~ 西餐

家姐早前送左D田螺比我
為配合哩D田螺
就決定煮...西餐

將罐頭裡面既田螺放入D螺瞉到
我係每隻螺裡面再加左D牛油

另外
田螺當然要配焗薯先好未喇
煲淋左D薯仔
再加牛油同芝士

再拎去同D田螺一齊焗
好好味呢

除左焗田螺外
西餐當然唔少得我最愛既鵝肝喇
係taste到買
哩一件咁大件既鵝肝都係大約$70蚊左右

鵝肝好易整
只要係面舖少少麵粉
直接落鍋煎就得
因為鵝肝本身多油
煎煎下佢都會係咁出油
所以根本唔需要加油煎

簡單又勁勁好味
真係超愛
但都真係超晒標呀
所以唔可以成日食呢

最後當然唔少得主菜喇
.....煎羊架
首先用薑,蒜,鹽,紹酒同ROSEMARY 香草醃二小時左右
之後又係落鍋煎到八成熟就ok架喇

不過其實個羊最緊要都係個汁
今次醬料我用左
油
紹酒
水
甜醬
麻醬
磨豉醬
糖

第一次整哩個汁
老公話好好味呢

今次整得好成功呀....

開心11‘過聖誕

過左一個好開心既聖誕節
好忙呢
日日都有節目
聖誕不能少既當然係聖誕禮物
同老公一齊六年多
都只係織過一條頸巾比佢
仲要係第一年同佢拍拖時織既
所以今年決定織多條
但為免咁辛苦
我揀左隻勁粗既冷

起針都只係需要16針
勁正
哈哈
點知當我收針時發現。。。
竟然
有.....18針
但因為時間關係
所以最後我決定........
唔改
老公話唔完美先知係我織喎
(我突然間覺得佢聰明左!!)

我好有心雞將條項巾包好做聖誕禮物架

我份禮物當然都唔少得喇
好鍾意哩個袋呢

今年平安夜要去飲
25至27號又約左朋友喎
兩口子唯有係23號提前二人世界慶祝一下
我地入左石澳既Shining Stone
佢地既麵包同湯真係好好味呢~

除左二人世界外
當然唔少得成班朋友仔交換禮物喇

今年有份禮物好特別
燈...燈....燈......櫈!!!

太陽能燈

完全就係周星星D戲咁
有太陽就有燈
冇太陽就冇燈
講笑啫
份禮物唔係我抽到
但好似話係用太陽能儲電既燈
咁支燈咪成日要放係有太陽囇到既地方囉

點都好
我覺得佢個名好好笑囉