我的鹹水缸

係公司個個都養鹹水魚

一路都覺得鹹水魚好難養

但又真係靚好多

既然公司有咁多高手

所以都決定試一試佢

我用真既鹹水黎開缸

要成50幾日先可以做到一個好好既Circle

哩兩條魚可以話係開缸魚

過左14日後

又過左兩星期

我加左D海沙係度

再過多約一個月後

我開始慢慢加少少珊瑚 (草皮同扭扣)

但個circle仲未成熟

有好多紅棗係度

之後再加炮仗花

個缸已經成熟左好多

再加 '奶咀癸'

除左珊瑚

當然仲有魚同蝦

醫生蝦

仲有火鳥(大家見唔見到兩條魚仔呢?)

兩條魚仔哩左係個私家洞到~

其實佢地係咁架呢~

而家個缸好成熟
仲好鬼靚

草缸(公司篇)

一直都好想記下d 魚仔草仔既成長
可惜就係的唔起心肝去寫
難得而家有少少時間
又紀錄反公司既草缸先
話說係今年2月17日開始係公司起缸
公司同屋企既好唔同
個缸細好多

又係自己diy d草落個缸到
第一次做個迷你缸
都唔係好清楚邊d 草適合
邊d 唔適合
結果
d 草比想像中快成長好多
一個半月就已經變成咁

再過一個半月

嘩~~~~~
係咪一發不可收拾呢
所以我決定又由頭來過!!!
今次揀草要小心d

因為個缸細
唔想成日要剪草既話
就揀d慢慢成長既水草
今次好成功
亦都好靚
仲加養左好多蝦仔
同一條魚仔

個草皮仲好成功咁慢慢形成
好有滿足感呢

條魚仔都大條左好多了~~~
每日係公司得閒望下佢個人都開心d

草缸 (在家篇)

同老公搬左入新屋冇幾耐
就開始學人養魚仔
鍾意魚仔方便打理
唔似狗仔貓仔咁要用咁多時間
又可以令間屋有d新氣
我同老公都好鍾意得閒就望下d魚仔
新手上路
乜都唔識
買好晒所有野就開始養我地第一缸既魚
養左大約半年左右
竟生左好多好多魚bb
哩一張相係第一缸魚仔

我地得閒冇事就好多時去魚街睇魚仔
如果有去開魚街既人都應該留意到
有好多舖頭係專係養草既
我同老公都好鍾意草缸
所以決定由頭到尾換個景
加多少少草
轉佢做草缸
哩個係第二個景

自己開始買d 莫絲反來屋企自己綁落沉木到


仲開始加埋co2


我地既目標係可以好似出面d 舖頭咁


可生成個草皮出來

好快就生左好多草出來
但
d 草竟然只向上生
竟唔向橫生
養養下仲突然多左好多絲藻
仲要成缸都係
我地勤力換水唔得
落藥水又唔得
亦試過加風扇(因為夏天下午間屋冇人,應該會好熱)
仲改埋照明時間
但....
都唔係太成功
所以最後又換景
今次主要目的係清晒d 藻
到而家了
雖然左面既水榕冇換到
但藻就真係少左好多

不過我同老公都真係唔太滿意而家個缸
等別係我係公司個缸養得好成功
相信不久既將來
我地又會將佢反一反身