廸士尼再續金咭會員

已2年係廸士尼金咭會員

今年年頭買左OP

諗住唔續廸士尼

點知近期2個去廸士尼都玩得超開心

尤其係哥哥

哥哥大個仔喇

識玩

Iron man 佢好鍾意

上次佢同爸爸入去玩

因為細佬唔夠高我要睇住細佬呀

佢勁開心

今次我同佢入去

佢同我講解每個過程

叫我唔洗驚

邊到攞眼鏡

好窩心呀

細佬豬出世喇

哈哈

去左生仔

所以咁耐都冇update 到

赤柱一日遊~

夏天正式黎到

今年雖然有左不甩

但都好想可以出去行下

所以就同老公去左赤柱食下嘢影下相

留個大肚諗

首先坐低食個TEA 先

夏日炎炎

真係好想飲返杯

但為左不甩

唯有等生完先飲喇

而家飲住可樂先

Hong Kong Wine & Dine Festival 2013

今年既Hong Kong Wine & Dine Festival又黎喇

地點係中環新海濱

荷蘭蟹 Vs 大陸蟹(太湖大閘蟹)

從未食過荷蘭既大閘蟹

今年係雜誌到見到香港有得買

隻蕃薯又話想試下

我地係九龍城肥X號買

西蟹同中蟹都有得賣

荷蘭蟹全部每隻$118

傳統太湖大閘蟹當然就係計両喇

5両多近6両既就大約$8X /隻

我地今次食再大D

約6両既

就大約$13X /隻

左上同右上既都係大陸蟹

而西蟹就係左下同右下

香港啓德郵輪碼頭

郵輪碼頭終於開放喇

係9月20-22日仲有郵輪假期博覽EXPO添

隻蕃薯提議打風前去睇睇

好.....出發

打風前天氣總係特別既好

其實郵輪碼頭有好多地方都好似仍然未準備好

例如停車場

我地去到仲未有停車場

只見D車一架架泊係路邊

轉BLOG大成功~

終於成功轉BLOG喇

攪左成日

但有D相仲係upload唔到

但唔多

諗住再慢慢執
以我哩D電腦白白地痴既
轉到9成都好好架喇 >.<

好多謝各位無私既Y Blog 友

我都係跟住皇魯吉照做

就可以將我9成既Blog 內容轉換

雖然

我都覺得係有D複雜

但只要細心跟住做就得架喇~

yahoo ---> google?!

發現有好多好心既BLOG友仔教大家點張自己的Yahoo Blog轉去新blog到

我試過好多次

但都唔成功

我備份完解壓

沒有txt 檔案

只有xml  檔案

咁係咪即係轉換唔到呀!!!

試過多次都失敗左

好灰!!

不過同時亦發現反好多Blog友仔既行蹤

可以ADD反佢地呢~

轉BLOG~

一向都用開YAHOO BLOG

突然話摺就摺

都真係好突然下

係哩度識左好多Blog友朋友仔

yahoo blog摺左後好多朋友仔都將會失散晒

好唔捨得

其實yahoo blog 真係一個好好既平台比大家搵資料

一齊分享生活所需

唔想就咁放棄寫blog

而家

轉戰Google

希望可以搵得反yahoo d blog友仔喇

今年我的生日~

時間過得真係好快

我又生日了
今年仍然有好多好朋友,家人同我慶祝生日
今年既生日令我最難忘既
竟然我得到腸胃炎
係咁痾不得止
生日正日都仍然食緊藥
點都好
哩個生日平淡
但過得好滿足

同好朋友黎第一個預祝

第二ROUND
當然要黎個成班圍威喂喇~
d朋友送左套麻雀比我
如果大家細心d
哩一副並唔係一副普通既麻雀

其實.....佢好靚架~

對住佢, 分分贏多d添呀

同屋企人慶祝
去左海港城既Greyhound Cafe
d嘢食真係好好味
佢既檸檬杯好特別
連D冰都係用茶黎制造!
家姐話唔想上鏡喎
所以只係影食物

正日
當然係同老公去慶祝喇
係柏寧酒店27樓既RIVA
個View同d嘢食物都真係超GOOD

回顧反哩一年
哩一年裡令我最難忘既
當然就係爸爸既離開
唔習慣沒有您係身邊既生日呢~

考到喇.......

哩期真係好忙

所以上小左好多BLOG

但我有一個好消息

雖然對大家未必係

就係我考到車牌喇

其實我想講

今次考車成功都真係算好彩

事關其實我學得堂數真係好少

每堂個半鐘

我都係學左12堂

亞教車師傅唔知點解好放心我

每次都成日掛住whatsapp

我諗佢真係有7成時間係whatsapp緊

我根本就係幫佢租車

實際教得真係唔多

學得唔夠多

所以今次考車真係好冇信心

考個日真係好驚驚呀~~~~~

係度等考時

之前仲有兩個考生

佢地都因為掉唔到頭

失敗左

我見到後就仲驚

其實考泊位真係到算係好彩

剛剛泊到咋~~~~~

路試我一向都有信心

所以都冇問題

點都好

一次考到車牌真係好開心

但我都唔係好敢揸住

要老公再同我補補鐘先

最後黎個溫馨提示:

大家以後出街要特別留心睇車喇

莎莎婦女銀袋日

早前係馬會網上申請左account

方便買六合彩

點知就收到馬會既邀請

參加14/10既莎莎婦女銀袋日

除左可以免費入場外

仲有個tea食

橫樹都未去過沙田馬場

一於同老公去睇睇

佢地有三個時段可以去

1200-1400

1400-1600

1600-1800

本身想1400-1600哩個時段

點知full左

咁我地就揀左1200-1400去

一入場就有紀念品

之後我地就坐低享用我地既tea set

仲可對住佢一路食一路買馬賭添

可惜我同老公都唔係好識賭馬

求其買左少少.........輸左

唔洗錢既tea

不過不失喇!!

食完個tea

輸完錢就去行行

憑票可以免費幫你紋身同化妝

但我兩樣都冇玩過

排隊既人唔多(可能有票既人根本唔多)

之後周圍影下相

哩架馬車都好靚呢~

之後仲有兩支免費雪糕

Hea左兩個鐘左右就走了

臨走前

原來仲有好多野賣

手袋呀!!化妝品等等

但我冇乜興趣...乜都冇買到!!

久違了的演唱會

牙...呀....啊.....送你送你!! 祝福永不斷.......
細細個就聽葉倩文D歌聽到大

要特別講清楚

絶對唔係本人自己鍾意葉倩文

我係鍾情於張國榮(哥哥)架

成日聽係因為媽咪鍾意

當年佢成日係屋企播

所以我係焗聽既

早前就係地鐡見到葉倩文開演唱會

就即刻約左媽咪去聽

氹氹佢開心丫嘛

後來先知

原來媽咪係第一次去聽演唱會

我地買左最後一場

放左工

同媽咪食完晚飯就出發去紅館

點知當晚落大雨(黃色暴雨呀)

結果係加連威佬道都要打的去紅館

可能係因為我對葉倩文冇乜特別感覺

自己本身又唔係好鍾意聽演唱會

所以都冇乜期望

純粹為左陪吓媽咪

最後估唔到佢把聽又真係幾好聽喎

比我預期同想像中好

媽咪仲成日同我講

佢係咪咀
解釋完一輪
佢都仍然係覺得係播帶既

聽完佢咁講- 我就O晒咀

到完場時

媽咪同我講

黎聽既都有反上吓年紀

我望望周圍

又係喎

我發現我真係全場數一數二最後生果幾個囉

完左場

一心諗住應該落完雨

諗住同媽咪坐巴士反屋企

點知唔係黃雨

係紅雨

d 雨大過我用花灑沖涼d水呀~~~~

雖然係有蓋既巴士站

只係等左一陣巴士

都已經全身濕晒

最後都係要坐的士反去

點都好

過左一個好開心既夜晚呢~

我們的新車車~啫屎 Jazz EX2013

識亞唐生時佢已經揸緊部佢既最愛- FTO

足足揸左七年

架車好多地方都開始舊同壞

每年續牌同維修費都好貴吓

今年夏天

部車既冷氣仲要死埋

令我地諗

係時候要換新車喇~

我地睇過好多一手同二手車場

老公睇中Honda Jazz

鍾意佢慳油喎~

本身想買二手車

點知新出既Jazz EX2013

因為攞到環保汽油私家車稅務寬減

變相有得減車價

一手同二手車價錢相差唔多

所以老公另願買新車
話唔洗驚上手車主點用架車喎

我地之前已經係九龍灣睇過
當時經紀姐姐唔係好SO 我地
冇買到

咁之後再去沙田Honda show room再睇喇

今次經紀叔叔積極好多
仲同我地試埋車添

老公同我都好鍾意佢有好大既天幕頂 (唔係窗黎架,開唔到架)

內籠亦好寬敞

可以放上兩架單車呢~

用Smart Key

只要袋條匙係身

3米以內

門就會自動解鎖

好方便呢~

其實早前我地去布吉時

都租用過Jazz自駕遊

不過當然唔係2013年版喇

當時老公都覺得實用

容易Handle

最緊要慳唔少油丫嘛

攪左一輪

最後決定買新車

但新車最快10月中先到貨

剛好係秋天開始

到時就可以車架單車去遠D既地方踩

好期待呢

Jazz EX2013

我地訂左哩隻藍色

至於架舊車

其實老公同我都好唔捨得架

我識左佢6年半

而亞唐生識左亞FTO仲耐過識我

佢更加唔拾得喇

早兩日

架FTO已成功轉手

新車主好鍾意架車

點解知佢鍾意

因為佢得一年車版經驗

單出FTO保險就要成8千幾

仲要係ONLY 三保

佢諗完又諗

係我地唔肯再減價既情況之下
佢又話同佢老婆傾掂數後...

佢都肯要

都好既

見佢咁鍾意架車

應該對架車都會唔錯呱~

再見喇

陪左我地6年半既FTO

其實真係好唔拾得你呢