時間~~~

尋晚同朋友傾開電話
原來大家相識都已經有十幾年
驚覺時間過得好快
快到真係有點難以置信
睇反以前D相
同而家真係好唔同(我覺得而家靚好多囉)
但心理上
總覺得所有既事唔係發生左好耐咁
好多朋友都問我
結左婚既我有冇唔同
最初我真係冇覺得有乜野唔同
可能早係結婚一年半前已同唐生住埋一齊
好多事一早已經成為習慣
但...
慢慢我發覺
結婚後我不經不覺多左一份責任感
我好享受婚後既生活
正確D講
我仍好享受同唐生每日溫馨甜蜜既感覺  (嗌咬時唔計~)
我覺得自己好幸福
因為同唐生相處左咁耐
同住左咁耐
好難得仍然有好甜蜜好戀愛既感覺
(雖然可能有好多JM都係咁,但對於我哩個戀愛經驗咁強既人來講
實屬難得)

人總會長大
每一個人去到唔同既階段
都會有唔同既變化
好多朋友都問我地會唔會生B
身邊亦越來越多BB出世
而家開FB時
總會有好多BB相同我洗版
見到人地D BB咁得意
總會諗過哩個問題
但我同唐生總係好似大家都未準備好咁
大家仍然好享往而家既生活
但當中最最最concern既問題
當然係年齡既問題喇
嗱嗱嗱
大家千祈唔好問我幾多歲
總之就係果頭近喇
其實都真係時間要認認真真plan下究竟要B唔要B喇~~

草缸(公司篇)

一直都好想記下d 魚仔草仔既成長
可惜就係的唔起心肝去寫
難得而家有少少時間
又紀錄反公司既草缸先
話說係今年2月17日開始係公司起缸
公司同屋企既好唔同
個缸細好多

又係自己diy d草落個缸到
第一次做個迷你缸
都唔係好清楚邊d 草適合
邊d 唔適合
結果
d 草比想像中快成長好多
一個半月就已經變成咁

再過一個半月

嘩~~~~~
係咪一發不可收拾呢
所以我決定又由頭來過!!!
今次揀草要小心d

因為個缸細
唔想成日要剪草既話
就揀d慢慢成長既水草
今次好成功
亦都好靚
仲加養左好多蝦仔
同一條魚仔

個草皮仲好成功咁慢慢形成
好有滿足感呢

條魚仔都大條左好多了~~~
每日係公司得閒望下佢個人都開心d

草缸 (在家篇)

同老公搬左入新屋冇幾耐
就開始學人養魚仔
鍾意魚仔方便打理
唔似狗仔貓仔咁要用咁多時間
又可以令間屋有d新氣
我同老公都好鍾意得閒就望下d魚仔
新手上路
乜都唔識
買好晒所有野就開始養我地第一缸既魚
養左大約半年左右
竟生左好多好多魚bb
哩一張相係第一缸魚仔

我地得閒冇事就好多時去魚街睇魚仔
如果有去開魚街既人都應該留意到
有好多舖頭係專係養草既
我同老公都好鍾意草缸
所以決定由頭到尾換個景
加多少少草
轉佢做草缸
哩個係第二個景

自己開始買d 莫絲反來屋企自己綁落沉木到


仲開始加埋co2


我地既目標係可以好似出面d 舖頭咁


可生成個草皮出來

好快就生左好多草出來
但
d 草竟然只向上生
竟唔向橫生
養養下仲突然多左好多絲藻
仲要成缸都係
我地勤力換水唔得
落藥水又唔得
亦試過加風扇(因為夏天下午間屋冇人,應該會好熱)
仲改埋照明時間
但....
都唔係太成功
所以最後又換景
今次主要目的係清晒d 藻
到而家了
雖然左面既水榕冇換到
但藻就真係少左好多

不過我同老公都真係唔太滿意而家個缸
等別係我係公司個缸養得好成功
相信不久既將來
我地又會將佢反一反身